Durnwalder anconta la presidënta nueva dl TAR, Margit Falk Ebner
USP – Cuestions de lerch y de personal tla sënta a Bulsan dla Suneria aministrativa regiunela (TAR) ie stai i argumënc prinzipei dl’ancunteda da ncuei (8 auril) a Bulsan danter l presidënt dla Provinzia Luis Durnwalder y Margit Falk Ebner, presidënta nueva dla sezion autonoma dl TAR de Bulsan.
Ala fin de merz à Margit Falk Ebner sëurantëut la presidënza dla Sezion autonoma de Bulsan dla Suneria aministrativa regiunela per i proscimi doi ani. Tla cësa provinziela Widmann à l presidënt Durnwalder y la prima autorità dl TAR a Bulsan, rujenà de cuestions de lerch per la sënta de Bulsan y l problem dla ciarestia de culaburadëures. Feter mesa la stieres ne ie nia curides.
“On abù na descuscion de co miuré la situazion di culaburadëures cun n ntervënt dl cumité de acurdanza per spusté culaburadëures che restëssa dependënc dla Provinzia” dij Durnwalder. L ie nce unì rujenà dla puscibltà de miuré i cursc per l personal dla TAR cun scumenciadives purtedes dant dala Provinzia y proiec finanziei dal Fond soziel europeich.
“La culaburazion danter la istituzions ie bona, tl respet dla ncëries y sun chësta streda ulon nce jì inant tl daunì” cun chësc pensier à Durnwalder mbincià dut l bon a Falk Ebner per si ncëria nueva.
as
