3,7 milion per la streda sun Plan de Gralba
USP – L Guviern provinziel à n lunesc (27 auril) dat pro la carateristiches tecniches per cumedé la streda danter Sëlva y Plan de Gralba. Per cumedé 1,6 chilometri de streda ti raions dl luech da Merch iel unì dat pro lëures per n custimënt de 3,7 milion de Euro.
Sun pruposta dl assessëur Florian Mussner ie l Guviern provinziel de Bulsan inier stat a una de slargë y seguré la streda sëura Plan. Dala raida da Merch suvier zed la streda bele dai ani for inò. L ann passà d’ansciuda fovel unì fat n ntervënt de prëscia cun micropei y tiranc per seguré n mur. La raida da Merch ie drët strënta sce n muessa passé via na curiera, tlo uniral slargià la streda y auzà la pert dessëura acioche la raida pond miec. Dal chilometer 23 uniral sun na lunghëza de 1630 metri, slargià la streda che ie tlo drët strënta y da raides. Te chëla lueges ulache l rone manacia de smuië ju uniral nce segurà la pert sëura y sot a streda. “Dai ani ons te chësc raion l problem che la streda ne tën nia l gran muvimënt. Cun chësc lëur pudons nce garantì na majera segurëza sun streda” sorissea l assessëur Mussner.
Per la proietazion y i lëures nstësc ie l Guviern provinziel stat a una de finanzië l custimënt de 3.700.000 Euro.
as
