Jonta provinziela ai 11 de mei tl tunel de basa
USP – N lunesc 11 de mei vijitea la Jonta provinziela i cantieres de Aicha y Mauls ulache l vën giavà l tunel esploratif dl tunel de basa dl Prëner. L presidënt Durnwalder cun i assessëures y reprejentanc di media se anconta dala 10.45 a Aica y pona dala 12.45 a Mauls pra l bocula dl tunel.
N lunesc che vën uniral tenì na senteda de jonta plu curta, zënza cunferënza stampa. Duta la Jonta provinziela jirà nfati a ti cialé ai cantieres dl tunel esploratif dl tunel de basa dl Prëner. La vijita ie metuda a jì dala sozietà BBT SE.
Per la 10 danmesdì iel udù dant de finé a senteda a Bulsan y pona de furné a Aicha ulache n se anconta per la 10.45. L segondo cantier, chël dla bocula de tunel a Mauls, ie ududa dant per la 12.15. I reprejentanc di media ie nviei a vijité tramedoi cantieres.
NDICAZION PER LA REDAZIONS
Per rejons de urganisazion n riferimënt ala segurëza y lizënzes, ie la redazions priedes bel de fé al savëi ala Ufize stampa dla Provinzia de Bulsan – nchin juebia 7 de mei - inuemes di culaburadëures (giornalisć, fotografes, cameramen) che vën a fé la vijita.
as
