Auguresc de Durnwalder ai cater ambolc nueves
USP – Cater telegrams de auguresc à l presidënt dla provinzia Durnwalder ncuei mandà ai ambolc nueves de Mals, Plaus, Prëner y de Badia. Cun i auguresc se mbincia Durnwalder nce na bona culaburazion danter Provinzia y chemuns.
La veles, de n ann plu abenëura, ie ti cater chemun states debujën davia che te trëi chemuns fova i ambolc da dant unì litei te Cunsëi provinziel. Tl chemun de Badia à l ambolt da dant dat ju la ncëria per rejons de sanità.Do che l ie ncuei danmesdì unì cumpedà ora la ujes, à l presidënt Durnwalder riesc fat i auguresc ai ambolc nueves. Si vela ie n sëni de crëta che dëssa dé forza per la ncëria nueva, nsci l pensier de Durnwalder. “Per l tëmp de legislatura y per la furmazion dla jontes chemuneles mbinci bona fertuna”. Durnwalder se mbincia nce na bona culaburazion danter l’aministrazions chemuneles nueves y la Provinzia.
as
