Cumpëides y dac turistics tl Südtirol
USP – L turism resta la prima forza economica dl Südtirol: l Istitut provinziel de statistica ASTAT à ncuei (29 mei) prejentà te n cunvëni a Bulsan n bilanz positif di ultimi cin ani nce sce ntan l ultimo inviern ie la cumpëides caledes n puech.
“L turism ie la seva plu sterscia dl’economia provinziela” à dit l assessëur Hans Berger, “i dac prejentei tl cunvëni mostra su n riassunt dla situazion atuela de chësc ciamp y lascia udëi ora pruspetives per mëter a jì l svilup”. La nrescides danter i turisć demostra che l Südtirol resta n destinazion priejeda. Sëuraprò ala cumpëides de tanc che ie ruvei adalerch y tan de nuetes afitedes, mostra la statistiches dl ASTAT n cheder dla carateristiches plu mpurtantes di turisć, co che i spënd y la cuntentëza n cont de priejes dl albierch y dl maië.
Metan adum duta la nfurmazions provinzieles a desposizion iel per l prim iede stat mesun cuantifiché la mpurtanza tl turism tl cheder dl’economia provinziela.
Dac turistics prinzipei: nce sce l’economia nternaziunela ie dëibla, ie l ultimo inviern sta l segondo miëur dal 1960. Me per 0,6% de jënt ruveda adalerch, fova la sajon da inviern 2007/08 stata miëura cun 5,4 milion de turisć y 27,3 milion de nuetes afitedes (26 milion tl inviern 2004/05).
L 57,6 % di turisć vën d’instà tl Südtirol, i autri 42,4 vën d’inviern. La Dolomites a l Ahrntal à l 44,6% de duc i turisć y ie nsci i raions danora. N media ie i turisć stai 5,1 dis, tl inviern 2004/05 nen fovel mo 5,4 dis.
I turisć taliani y tudësc fej ora l 80% de chëi che ie unic adalerch. For de plu nen vëniel dal’Europa dl est. Aldò de nrescides vëniel jit de plu ti hotiei de bon livel, chësc nce sce n possa perchël sté manco giut. L priesc ie n media danter 75 y 150 Euro. Dan cin ani iel cun l turism tl Südtirol unì trat ite 2,5 miliardes de Euro, tl 2008 ie stat n aumënt de 31,6% ruvan nscila a 3,3 miliardes. N media iel unì dat ora 119 Euro al di (dan 5 ani fovel 96 Euro).
“La situazion per l instà ne cëla te chësc mumënt nia ora massa bën, ma n ie de bona ajache na à bel fat l’esperienza che la jënt vën al ultimo mumënt” nsci l assessëur Berger, che à sorissà la mpurtanza che la cëses de albierch sibe flessibles y anjeniedes a se adaté riesc al marcià.
Juntà pro l studi dl ASTAT
as
