Scolines ladines: ai 5 de juni la sëurandata dla stieres
USP – N vënderdi ai 5 de juni uniral sëurandat de ndut 32 stieres tla scolines ladines per l proscimo ann de scola. Maestres che ie tla graduatories per trasferimënc y per ncëries a tëmp determinà ie nviedes tla direzion dla scolines a Picolin.
Per l ann de scola 2009-10 unirà tla scolines ladines sëurandat 18 stieres per maestres (12 a tëmp plën y 6 a mez tëmp) y 11 stieres per culaburadësses pedagogiches (6 a tëmp plën y 5 a mez tëmp). Leprò vën mo trëi stieres per maestres cualifichedes per l’intergrazion.
La sëurandata tla sënta dla direzion dla scolines ladines a Piculin unirà fata aldò dla graduatories: dala doi domesdì per la maestres y dala trëi domesdì per la stieres dla culaburadësses.
La cumpëida di mëndri tla 17 scolines dla Val Badia y de Gherdëina cun si 35 sezions, ie feter valiva permez al ann passà. Per l autonn, iel te chësc mumënt 726 scric ite. Permez al ultimo autonn ie la cumpëida de ndut me aumenteda de dodesc. Tla sies scolines de Gherdëina iel per l proscimo ann de scolina 374 scric ite, tla undesc scolines dla Val Badia 352.
as
