Stiera per nsenianc tl Istitut Pedagogich ladin
USP – L Istitut Pedagogich ladin à scrit ora na stiera per l servisc de cunsulënza y sustëni al svilup scolastich. Nsenianc dla scoles elementeres, mesanes y autes dla valedes ladines possa fé pea l cuncors, fajan dumanda nchin ai 24 de juni. La stiera ie resserveda per nsenianc de rujeneda ladina.
L ciamp de lëur prinzipel dla stiera scrita ora dal Istitut Pedagogich ladin ie l material didatich. Per vester plu daujin ala realtà dl nseniamënt tla scoles ladines saral mesun lauré n pert nce tla valedes ladines zënza messëi furné uni di a Bulsan. La stiera ie ududa dant per almanco trëi ani y possa unì slungëda.
Nfurmazions plu avisa sun la stiera per nsenianc de rujeneda ladina giaten tl Istitut Pedagogich Ladin (tel. 0471 417 030). Duta la bandida, la tabela de valutazion y l formuler per la dumanda ie publichei sun la plates internet www.pedagogich.it
as
