Ncuei, 15 de juni prim di de ejams tla scoles mesanes
USP – Ncuei, lunesc 15 de juni à metù man i ejams dla scoles mesanes. Tla valedes ladines iel de ndut 272 sculeies che fajerà chëst ena cater proves scrites y l’ena che vën mo la proves a usc per finé via la scola mesana.
I ejams dla scola mesana à ncuei scumencià cun la prova scrita per talian. Duman merdi uniral fat l scrit per tudësch y n mierculdi l ejam de conc. Cunescënzes y culegamënc danter la materies se damanderà la prova naziunela, na prova scrita sun l savëi n generel che i sculeies dla terza tlasses messerà fé n juebia 18 de juni. N lunesc che vën ai 22 de juni scumëncia i ejams a usc.
Cun de ndut 272 candidac tla doi valedes ladines dla Provinzia de Bulsan iel chëst ann 45 sculeies de plu permez al ann passà. Te Gherdëina iel la cumpëida cresciuda de 28 sculeies arjunjan 137 y tal Val Badia iel 17 sculeies deplù cun na cumpëida de 135 ndut. L majer aumënt de sculëis che fej l ejam dla terza mesana iel stat a Urtijëi cun 96 candidac, 31 deplù che l ann passà.
as
