Trasport di sculeies: nuviteies per l Abo+
USP – Per i abunamënc de trasport publich “Abo+” per sculeies y studënc, vel dal prim de setëmber regules nueves: l abunamënt ne vel nia plu per la ferates IC y EC, ma me plu per la ferates regiuneles. Mëndri y jëuni nchin a 14 ani ne muessa nia plu avëi pea n documënt.
Dal ann passà vën l abo+ pità a duc i sculeies y ti ie unì dat debant a de ndut 88.600 sculeies dala scola elementera ala scola auta. Sëuraprò a 11.800 jëuni y sculeies damandà chësc abunamënt (a 100 Euro mpede 150 Euro).
La scumenciadiva dl Abo+ ie unica tla Talia, uluda dal Aministrazion provinziela per ti pité ai jëuni l trasport publich a na maniera scëmpla. Tel azions possen me tré tres sun mesuns provinziei. Pra la ferates ie chësc l cajo pra la linies regiuneles.
L ann passà ova l assessëur Widmann mo giapà resposta positiva dala direzion de Trenitalia acioche n possa furné cun l abunamënt Abo+ nce cun la ferates EC y IC. La Provinzia à perchël messù fé paiamënc ora de mesura a Trenitalia. Chësta autorisazion ne ie śën nia plu unida slungëda.
La segonda nuvità ie che nchin a 14 ani ne muessen cun l Abo+ dal prim de setëmber 2009 nia plu avëi pea n documënt de identità.
as
