Mostra ala lergia di Parcs naturei a Corvara
USP – Nchin ai 3 de agost possen a Corvara vijité la mostra dl Ufize provinziel per Parcs naturei dedicheda al cialé y udëi ti parcs naturei dl Südtirol. Daujin al palch dla mujiga a Corvara iel unì metù su 28 panei cun fotos mpresciunëntes di set parcs naturei tla Provinzia.
I parcs naturei fej prescion tres si varietà: da raions submediteranees nchin raions alpins, na vela de natura y cuntreda, raions de vita per flora y fauna. Sce n ruva te chisc raions anconten mprescions stersces che se lascia nce purté inant tres fotografies.
De chësc possen se rënder cont ti cialan ala mostra ala lergia a Corvara. L Ufize provinziel per Parcs naturei deberieda cun i fotografes dla grupa „Naturfotografen Strix“ à cris ora cater fotografies de uni parch naturel. Tlo ie unì tëut su mumënc spetaculeres de cuntredes alpines y mprescions stersces de plantes y tieres.
La fotografies de gran mesura vën nce metudes ora te d’autri luesc. Chemuns nteressei possa se mëter n cuntat cun l Ufize provinziel per Parcs naturei, tel. 0471 417770.
as
