Borses de studi per chiche studieia tla Talia y oradecà
USP – Nchin a merdi, 3 de nuvëmber à studënc mo la puscibltà de damandé borses de studi, che l ti vënie paià de reviers l’imatriculazion y che l ti vënie dat n cumpëns per i viages. Per l prim iede vëniel chëst ann nce rembursà l’iscrizions sota 500 Euro.
Studënc che damanda per l prim iede cuntribuc possa tl Ufize per assistënza scolastica se damandé n cont persunel cun inuem y parola tle per pudëi fé la dumanda online. La dumanda per chësc cont dëssa unì fata per tëmp davia che l ie truep studënc che l adrova.
La dumandes per borses de studi possa uni mandedes ite al Ufize provinziel per assistënza scolastica, tla streda Andreas Hofer 18 a Bulsan. Chi che fej per l prim iede dumanda, possa damandé l’iscrizion. Chëstes possen fé tres internet sota www.provinz.bz.it/egov/studienfoerderung Canche n à dat ite la dumanda, giaten n e-mail de resposta de cunfërma.
Nfurmazions plu avisa possen nce damandé do al numer de telefonn 0471 41 29 44 o 0471 41 29 46, ma nce tres e-mail (hochschulfoerderung@provinz.bz.it).
L bando de cuncors y nfurmazions sëuraprò ie nce da abiné al adres http://www.provinz.bz.it/bildungsfoerderung/
as
