Daurida dl punt y dui sotpassaji a Corvara
USP - Le punt nü che liëia le comun da Corvara ala fraziun da Colfosch gnarà daurì ofizialmënter en vëndres ai 16 de otober dl 2009 dales 2 domisdé. I laûrs é gnüs fac dal Assessorat provinzial ai laûrs publics en colaboraziun cun le comun da Corvara. Al ne se trata nia ma dla costruziun de n punt, mo ince de n sotpassaje y n marciapîsc.
Le punt vedl a Corvara ne corespognô nia plü ales esigënzes y normes de segurëza por le trafich de al dedaincö. Insciö él gnü aprovè l’intervënt da pert dla provinzia da Balsan. I laûrs gnarà stlüć jö avisa en ocajiun dla daurida.
En chësta ocajiun gnaràl inće daurì le sotpassaje nü, fat dal’aministraziun comunala tla localité dl punt "Da Bos".
La popolaziun y i rapresentanć di media é dër bel invià ala daurida di dui proieć.
as
