Referendum provinziei: jic a lité nchin la 5 domesdì
USP – Dala cinch domesdì ie ncuei dumënia, 25 de utober unì cumpedà per l segondo iede do tan de zitadins che ie stai a lité i referendum provinzei. 24,4 percënt à lità l referendum per l frabiché cuatieres. L referendum per regulamenté da nuef i segondi cuatieres à nchin la 17.00 lità 24,4 percënt, la pruposta di gran proiec à lità 24,4, chëla dla democrazia direta 24,5 percënt y 24,6 percënt ie jic al refrendum per via dl areoport.
390.398 persones ie tla Provinzia de Bulsan unides cherdedes a to na dezijion sun cin prupostes de lege. L prim referendum, zedula blancia, damanda de auzé i ani che fulestieres muëssa aspité per ruvé permez a cuntribuc per frabiché cuatieres y i cuatieres soziei. Tla segonda pruposta de lege, zedula de vela culëur lila, se tratela di segondi cuatieres per patrons che ne à nia la residënza te n luech. Cun la zedula de culëur ghiel, tl terzo referendum, dëssa la jënt dì la sia n cont de referendums pra i gran proiec publics. Tl cuarto referendum, zedula bruma se tratela dla democrazia direta nstëssa. Cun l cuinto referendum, zedula culëur marila (albicocca), vëniel damandà sce la Provinzia dëssa zapé ora dl areoport de Bulsan.Nchin ala 10 da sëira possen mo ji a lité tla sezions de vela di 116 chemuns. Duta la zifres n cont dl referendum provnziel ie da abiné tl internt sun la plata www.wahlen.provinz.bz.it ulache l ie nce unì fat la version tla rujeneda ladina.
as
