Duman televijion digitela tl prim raion
USP – Duman 28 de utober vëniel tla Provinzia scumencià a destudé ju la trasmiscion televisiva analogica per ti fé lerch al sistem digitel. L prim raion reverda Bulsan, l Unterland y la val Sarentin. Chi che uel se nuzé di vantajes dla televijion digitela adrova n decoder, ntergà tla televijion o a pert y muessa crì da nuef i canai. Tla Val Badia y te Gherdëina saral dal 9 de nuvëmber da udëi la televijion digitela.
Per fertuna juda pea l tëmp acioche i tecnics dla RAS y dla defrënta stazions televisives possa fé i lëures pra l’antënes y ripetitëures che ie posizionei alauta sun la montes. Aldò che la buta cun i lëures uniral jit inant cun i proscimi raions. Te Gherdëina y tla Val Badia uniral ai 9 de nuvëmber destudà la trasmiscion analoga y mpià la trasmiscion digitela.
Nce la families messerà adaté si televijion a cësa per chësta mudazion. Per udëi la televijion digitela ne ie nia debujën de adaté l’antëna, l tleca avëi na televijion moderna o n aparat tlamà decoder che fej la traduzion dl signal. Cun la trasmiscion televisiva digitela giateran na miëur cualità tl udëi y audì, mplu saral mesun giapé de plu programs zënza paiamënt.
De plu nfurmazions sun la mudazion dla trasmiscion televisiva ie nce da giapé tl internet sota www.provinz.bz.it/digitaltv y sota www.ras.bz.it ulache l ie nce la nfurmazions tla rujeneda ladina. Aiuc tres nfurmazion possen nce damandé cherdan su la RAI (0471 902444, 0471 902445) o la RAS (0471 546666).
as
