Dalai Lama ai 16 y 17 de nuvëmber tl Südtirol
USP – Tenzin Gyatso, l 14esim Dalai Lama, la figura spirituela plu auta di tibetians, vën ai 16 y 17 de nuvëmber tl Südtirol. L Dalai Lama cunësc bele nosta provinzia, chësc ie l terzo iede che l vën tl Südtirol.
N lunesc domesdì, 16 de nuvëmber canche l Dalai Lama unirà dal India y dajerà sëura tl aeroport a Bulsan, saral l presidënt dla Provinzia Durnwalder a ti dé l bënunì. La prima sëira ne iel nia prugramà ancuntedes ufizieles.
L merdi ai 17 de nuvëmber scumëncia l’ancuntedes da mesa la 9 da duman cun l presidënt Durnwalder te si ufize tl Palais Widmann a Bulsan. Riesc daldò saral duta la Jonta provinziela a ancunté l Dalai Lama, dan che l se meterà a desposizion de dumandes di jurnalisć. L program dl Dalai Lama jirà pona inant cun na manifestazion publica tl Academia Europeica EURAC. Domesdì jirà l Dalai Lama a Trënt.
as
