Di di cronisc', n vënderdi ai 6 a Bulsan
USP – Cie suzedel pa de particuler te n chemun o te n raion? A chësta dumanda ti stà do i cronisc’ ulenteres che documentea avenimënc per la generazions che vën do. La dodescesima ancunteda di cronisc’ unirà tenida n vënderdi ai 6 de nuvëmber tl Archif provinziel a Bulsan.
Dut n danmesdì vëniel dedicà ala teoria di cronisć. La se traterà dl svilup dl’atività di cronisć ti 20 ani passei, de si lëur sciche na puscibltà dl tëmp o de udëi l’atività da n auter pont de ududa. Dlongia la pert teorica vëniel te grupes de lëur analisà la posizion di cronisć te si chemuns, la pruspetives per l daunì y i fins da arjonjer ti proscimi cin ani. L unirà nce tratà argumënc sciche la furmazion y na fujina de ideies per la cronica de n luech. Domesdì unirà jit a vijité l museum Merkantil a Bulsan.
L di di cronisć unirà giaurì dal’assessëura Sabina Kasslatter Mur deberieda cun la diretëura dl Archif provinziel Christine Roilo,
n vënderdi, 6 nuvëmber
dala 09.00
tla chëurt dl Palais Widmann, a Bulsan.
Dala 09.30 giaterà cronisć uneranzes, sëurandates dal’assessëura Kasslatter Mur.
as
