Streda Pruca-Ciastel sareda per lëures
USP – La streda danter Pruca y Ciastel vën da n lunesc 9 de nuvëmber sareda davia che l muessa unì fat lëures. Nchin ai 13 de nuvëmber uniral segurà i parëies sun i ëures dla streda y perchël muessen fé cont che l sarà da aspité nchin a 30 menuc.
Tl raion dla raida “Zollkehre” dessëurapert dla streda provinziela danter Pruca y Ciastel, se à destacà pertes dl crëp. L material che manacia de tumé ju unirà stlupetà dal Servisc provinziel per la stredes n culaburazion cun i geologhes dla Provinzia. “Chësta pert unirà pona fermeda y nsci segureda” spiega Valter Molon, diretëur dl Servisc dla stredes tl raion Salten Scilier.
Ntan i lëures, che unirà fai dal 9 de nuvëmber inant, for dala 8 da duman ala 5 domesdì, muessa la streda unì sareda. Per l muvimënt sun streda iel da fé cont de messei aspité nchin a 30 menuc.
as
