Asfalt nuef sun la streda de Gherdëina
USP – Danter Puntives y Urtijëi vëniel te plu lueges fat l asfalt da nuef. L Servisc provinziel ala Stredes fej sun feter 5 chilometri de plu ntervënc per cumedé ca l asfalt che fova unì ruinà dassënn dal gran muvimënt ntan l inviern.
Sibe sun l toch dan ruvé a Urtijëi, da Pontives ite, che nce sun la stradon che passa tres l luech nchin ala plaza dal palé vëniel cumedà la streda. L vedl asfalt vën zarà su y metù ju da nuef. “La streda de Gherdëina se la paia dantaprima d’inviern dassënn tres l gran muvimënt de auti y de mesuns pesoc. Chëst ann fajons de plu lëures ajache la cundizions dl asfalt fova propi stletes” spiega l assessëur Florian Mussner. Ntan che l vën fat chësta cumedures ala streda possen mpo passé aldò de n semafer. I lëures per cumedé l asfalt danter Puntives y Urtijëi ie udui dant nchin ala fin de mei.
as
