Streda de Gherdëina sareda sota Puntives per lëures
USP – Davia che l muessa unì segurà n parëi de crëp riesc sota Puntives, resta l stradon de Gherdëina danter Pruca y Puntives mo sarà ntan duta l’ena. L muvimënt di auti vën avisà ora per la streda statela danter Urtijëi y Tluses.
Per via dla truepa plueia iel debujën de seguré de prëscia l rone sëura la streda riesc sota Puntives. L Servisc provinziel per la stredes lëura bele tla luegia periculëusa cun de plu pruvedimënc per fermé l rone. N iede iel debujën de rumé su l material che vën ca saurì y l mené demez. L proscimo lëur sarà pona chël de fé su n mur nuef che deventerà plu aut permez a chël da śën, spiega Claudio Carraro dl Servisc per la stredes.
Per garantì la segurëza sun streda iel debujën de tenì la streda danter Puntives y S. Piere dessot śareda. Ntan i lëures possen astilé ora la luegia furnan per la streda de Tluses (SS 242 DIR).
as
