Solidarietà de Mussner per la colega Templari
USP - Plëina solidarietà per l assessëura de Belun Daniela Templari vën dal assessëur Florian Mussner. Per via de na cuestion giudiziera de si mut, se à Templari trat de reviers da si ncëria da assessëura ala cultura, mendranzes etniches y valivanza di dërc per la provinzia de Belun.
![](/news/img/lazy.gif)
“È abù ucajion de priejé la culaburazion de valor dla colega Templari tl mpëni che on deberieda per la mendranza ladina ti raions de cumpetënza” à detlarà Mussner.
L assessëur provinziel sorissea la coerënza y l entusiasm de Daniela Templari te si lëur per cuestions de mendranza. “L ie stat n lëur che à purtà pro a na bona culaburazion sëura la sëides regiuneles fajan la fundamëntes per pudëi la mantenì tl daunì”. Daniela Templari, nsci Mussner, à nce mustrà cualiteies sciche presidënta dla Union di Ladins de Fedom cun gran mpëni per la cultura y rujeneda ladina ti trëi chemuns de sëuramont.
L assessëur Mussner mbincia che l possa riesc unì stlarì la cuestion che à purtà al se tré de reviers dla colega Templari, “Na dezijion che ti fej unëur”. L assessëur mbincia che la colega de Fedom possa riesc inò jì inant te si mandat zënza messei sté ert y purté inant i mpënies che la se à tëut su dan passa n ann”, nscì Mussner.
as