Jonta provinziela azeta l’idea dla ferata a Pruca
USP – La Jonta provinziela a dit de sci ala soluzion che ti ie unida prejenteda per taché ite la scines al toch nuef che ie debujën danter Pruca y Furtëza. Chësc toch ie essenziel per la funzionalità dl tunel de basa dl Prëner.
La scines nueves che unirà fates da Pruca de viers de Furtëza dëssa unì curides pro te n tunel, a chësta maniera ne vën la populazion nia desturbeda dala fuera y dal furné dal ferates. “La Jonta Provinziela ie stata a una cun chësta idea che respeta tan bën la populazion y che testemunieia nce che l vën laurà inant per chësc toch tan mpurtant” à dit Durnwalder (ncuei) ai 04 de lugio do la senteda la Jonta provinziela.
Sun la vedla scines ie l deslivel danter Pruca y Furtëza, ulache scumëncia l tunel dl Prëner, massa grant. Chësc cumporta che l fossa debujën de taché ite na mascin che tira y una che sburdla i vagons. “La bona funzionalità dl tunel dl Prëner ie me garantida sce son boni de finé nce l toch nuef da Pruca su cun manco pendënzes” à dit l presidënt la Provinzia. L cumité di priejes dl tunel à bele dat pro n custimënt de 1,6 miliardes de euro per l toch da Pruca su. La firma Italfer à cun la pruposta per Pruca bele fat l var tecnicamënter plu mpeniatif dla proietazion.
as
Galaria dales fotografies
Landeshauptmann Durnwalder zum Brennerbasis-Tunnel
- Scarica il file audio 515 kb
