Jonta provinziela se damanda dala SEL na relazion sun l cajo Rainer
USP – Per avëi na vijion tlera dla partezipazions che l diretëur dla SEL Maximilian Rainer dëssa avëi, se damanda la Jonta provinziela dala SEL na relazion a puntin. “Sciche patrons de maiuranza dla SEL ulons savëi co che la stà” à dit l presidënt dla Provinzia Luis Durnwalder (NCUEI) ai 29 de agost do la senteda dla Jonta provinziela.
Rainer ne ie sciche diretëur dla SEL, nsci Durnwalder, nia n dependënt dla Provinzia, nce sce la Provinzia ie patron de maiuranza dla SEL y à perchël nteres de savëi co che la ie cun la partezipazions de Rainer. “Ulon savëi de cie sort de partezipazions che l se trata y sce l ie relazions de marcià danter la SEL y chësta sozieteies” à dit l presidënt dla Provinzia.
La Jonta provinziela se damanda perchël dala SEL tres si presidënt Klaus Stocker de prejenté na relazion a puntin. “Aspiton sun chësta relazion, ajache l ie nosc duvier de ti sté do a de tel cuestions” à dit Durnwalder.
as
