Jonta giapa prupostes dala Camera de cumerz
USP – Tla senteda dla Jonta provinziela iel (NCUEI) ai 06 de setëmber unì prejentà l studi dla Camera de cumerz de co che l’Aministrazion provinziela pudëssa sparanië.
I esperc dla nrescida economica tla Camera de cumerz (WIFO) à purtà dant prupostes co che l pudëssa unì sparanià tla Provinzia, ciuni che pudëssa vester i pronc zentrei per l proscimo bilanz y à paredlà la situazion cun la provinzies ujines. L se trata plu che auter da na vijion da dedora, de coche i reprejentanc dl’economia vëij l’Aministrazion provinziela. “I ponc prejentei unirà śën analisei plu da daujin per udëi ciuni te cie maniera che i pudon tò n cunsciderazion” à dit l presidënt dla Provinzia do la senteda. A uni maniera ie la ntenzion dla Jonta de tò n cunsciderazion la prupostes che ti sa realistiches.
Te chësc cuntest à Durnwalder nce mustrà sudesfazion che a Roma iel unì azetà de marciadé a pert cun la regions autonomes per via di pruvedimënc de sparani per ressané la finanzes stateles.
as
