Strom tres l tunel de prova dl Prëner: Jonta mët cundizions
USP – Mpede mandé inant l strom sëura tiera, fossel miec al fé passé sot a tiera, tres l tunel de prova dl Prëner. La Jonta provinziela vëij chësta idea me de bon uedl sce l strom vën nce a sud de Furtëza mandà inant sot a tiera.
Nchinamò passa i majeri culegamënc dal strom sun stendri sëura tiera. La Jonta provinziela à nteres de mëter chisc sot a tiera, “scebën che l se trata de nvestimënc de feter 100 milion” à dit Drunwalder (NCUEI) do la senteda dl 06 de setëmber. L tunel de prova dl Prëner pitëssa alternativa. “L fossa n prim var, ma i culegamënc muessa nce jì inant sota tiera sun l toch a sud de Furtëza” à dit l presidënt dla Provinzia fajan referimënt ala trates per ruvé permez al tunel dl Prëner.
La Jonta provinziela uel lascé analisé la pusciblteies tecniches y l custimënt, ajache per de tei lëures iel nce udù dant finanziamënc dala Union Europea. N’ancunteda de chësc vies ie bele ududa dant (NCUEI) cun l cuordinadëur europeich Pat Cox y l assessëur provinziel Michl Laimer. Da pert dla Jonta provinziela vëniel metù la cundizion tlera che i culegamënc ne possa nia passé sëura tiera. “Autramënter assans miuramënc tla valeda de Isarch nchin sun l Prëner, ma sota Persenon ju fossel debujën de fé culegamënc y stendri nueves, cossa che ne ie nia da azeté” à dit Durnwalder.
as
