I lëures danter Longega y Picolin va inant
USP - N lunesc ai 12 de setëmber jirà inant i lëures sun l stradon dla Val Badia danter Longega y Picolin. Tlo fova i lëures unic fermei ntan la sajon da instà. Ntan duta l’ena, nchin n vënderdi ai 16 de setëmber iel udù dant de saré mesa la streda a na maniera che n puderà me passé te una direzion al iede.
“Per garantì mo de plu segurëza sun la streda dan ruvé a Piculin, vëniel slargià feter n chilometer de streda” spiega l assessëur Florian Mussner. Sun chësc toch danter Longega y Piculin iel gran debujën de fé lëures de cumedura. Aldò di respunsabli dl servisc provinziel ala stredes iel debujën de fé da nuef mures y dlandri de streda che ne respetea nia plu la normes. Deberieda cun chisc lëures vëniel nce slargià la streda.
Per garantì la segurëza ntan i lëures possa l muvimënt de streda me passé te una na direzion. I lëures ie udui dant nchin ai 16 de setëmber.
as
