Jonta provinziela fej per l 2012 cont cun n bilanz feter unfat grant
USP – Per l proscimo bilanz provinziel fej la Jonta provinziela cont cun 130 milion de ntredes de plu. Davia che la manovra finanziera dl Stat se damanda de smendrì dassën i custimënc, sarà la soma de bilanz n auter ann mpomo feter la medema sciche chëst ann.
La ntredes per la Provinzia de Bulsan tl 2012 vën calculedes danora aldò dla detlarazion dla chëutes che reverda l ann passà. “Per n auter ann fajon cont cun 130 milion de plu che fej ora n aumënt de bilanz de feter 2%” à dit l presidënt Durnwalder do la senteda dla Jonta provinziela.
La manovra finanziera dl Stat vëija dant che l muessa unì smendrì i custimënc publics calculan n tant a zitadin. Per la Provinzia de Bulsan fajëssel ora 280 milion de euro da nia pudëi spënder. “Sce aron 130 milion de ntredes de plu restel mo 150 milion da nia pudëi spënder. Ma davia che la Provinzia ne à nia debic ulons marciadé a Roma per pudëi mpomo spënder i scioldi che on a desposizion” à spiegà l presidënt dla Provinzia. “Te chësc mumënt fajons cont che l bilanz 2012 sarà feter tan grant sciche chël da cëst ann” à dit Luis Durnwalder.
La Jonta provinziela à fat ora co se muever cun chësta cuestion cun Roma. Ntant iel unì rujenà di capituli che ne dëssa nia unì smendì, sciche finanziamënc per la scola, l soziel o l’inuvazion y tueda. I assessëures à nce tratà i capituli per chëi che ne muessa nia tenì ite l pat de stabilità finanziera sciche per ejëmpl l fond de rotazion.
as
Galaria dales fotografies
Landeshauptmann Durnwalder über den Haushalt 2012
- Scarica il file audio 457 kb
Il Presidente sulla previsione di bilancio per il 2012
- Scarica il file audio 598 kb
