Paures possa nchin ai 30 de setëmber damandé de nia paië l’ICI
USP – I paures che ne uel nce tl daunì nia paië l chëuta sun frabicac ICI, muessa se cruzië che i cëses o tublei vënie metui tla drëta categuria dl Cataster. La dumandes per la mudazion de categuria muessa unì fates nchin ai 30 de setëmber.
Nchinamò ie i frabicac de paures unic metui te de plu categuries dl Cataster (A/2, A/3, A/7, C/2, C/6). Aldò de na nueva lege statela muessa chisc frabicac vester tla categuria A/6, tlas R (frabicat da paur da viver) o D/10 (frabicat per produzion da paur) per nia messei paië la chëuta ICI.
“Chësta nuvità ne ie mo nia unida a cunescënza de duc i nteressei y ntant mancel me plu puec dis al ultima data per la dumandes” à dit Durnwalder do la senteda dla Jonta (NCUEI) ai 26 de setëmber. La dumandes per mudé de categuria muessa unì dates ju nchin ai 30 de setëmber tl ufize de Cataster o tres lëtra racomadata cun resposta, per fax o per e-mail zertificheda (PEC) al ufize de cumpetënza. La dumandes possa nce unì fates al’Associazion provinziela di paures.
Chiche uel fé dumanda muessa se nuzé dl formuler aposta (da giapé ti ufizies de Cataster, sun la plata web dl Cataster o pra l’Associazion di paures) y de ju na autocertificazion che i criteries per na categurisazion de lëur da paur vën bele respetei da almanco 5 ani.
as
