„Le lingaz dl populism“: ai 10 d’otober tla Teßmann
USP La Biblioteca provinziala Teßmann inviëia deboriada cun la „Gesellschaft für deutsche Sprache“ / Seziun de Balsan (la sozieté por le lingaz todësch) y l’ofize linguistich dl Südtiroler Kulturinstitut ai 10 d’otober dl 2011 a n referat de Martin Reisigl. Le titul dl referat é: „Dem Volk aufs Maul gschaut. Die Sprache des Populismus“
Tla politica se referëscion ion ala „usc dl popul“. La parora populism, dal latin populus (le popul), é sides negativa che positiva. N valgügn é dër braui che an ti dij populisć, ajache ai dij che ai é i susc che rapresentëia la minunga dla „jënt scëmpla“. D’atri ti tira dant al populismus n carater manipulatif, ai vëiga te ël na politica dles respostes scëmples a de ries domandes. Aladô de ći prinzips linguistics funzionëia pa le populismus? Co argomentëia pa i populisć? Se desfarenziëia pa le populismus de man ciampa da chël de man dërta? Él ćiamò al dedaincö n populismus dl zënter? Ći é pa la retorica populistica? Martin Reisigl mostra tres ejëmpli concreć ći che l’adoranza populistica é.
Le referat vëgn tignì dal prof. Martin Reisigl dl Institut de Germanistica dl’Université de Bern. Le referat di 10 d’otober, scomëncia dales 8 da sëra tla Biblioteca provinziala Teßmann (str. A.-Diaz 8) a Balsan.
usp
