Trafich | 03.10.2011 | 15:09

Jonta provinziela a una per n daz sul Stelvio

USP – Per passe sun la streda dl jëuf dl Stelvio dëssel unì damandà n daz. La Jonta provinziela à (NCUEI) ai 03 de utober dat pro chësc pruvedimënt de mascima scebën che l muessa mo unì laurà ora i particuleres. “Chësc daz ulons mëter a jì aldò dl’ejëmpl dl Timmelsjoch. Chël che l unirà trat ite dëssa unì nuzà per cumedé y adaté la streda”.

La streda a paiamënt de n daz reverda l pas dala pert dl Südtirol. Danter Gomagoi y Trafoi fejen cont de mëter su na stazion per vënder l daz. Aldò dl presidënt Durnwalder ie i particuleres mo da fé ora, ma davia che i ambolc ie a una ulons purté inant chësc pruvedimënt. “Son de chëla che l ie la miëura soluzion ajache nscila ne vëniel nia sarà defin la puscibltà de furné sun pas. Me n magine che l daz fossa na bona soluzion nce per d’autri caji” à dit Durnwalder. I scioldi che unirà trai ite tres l daz dëssa unic nuzei per mantenì y adaté la streda alpina.

Tant che unirà a custé l daz ne ie mo nia unì fat ora. Tlo se stizeran sun l ejëmpl dl Timmelsjoch, ulache dala pert dl’Austria vëniel damandà 14 euro (18 via y ca) cun 2,16 Euro che ti va ala Provinzia de Bulsan. Chësc fej ora na soma de feter 320.000 nchin 340.000 per la Provinzia.

as