Smëndrì l custimënt dla refezions
USP – For plu families damanda de mandé si mutons ala refezion de scola. I chemuns se stënta a curì l custimënt y nsci uel la Jonta provinziela abiné soluzions tulan nce ite ulenteres.
La Provinzia de Bulsan garantësc 2 milion de marëndes tla refezions dla scoles. L presidënt dla Provinzia à (NCUEI) ai 17 de utober fat al savëi che chësc fej ora n custimënt de feter 11 milion de euro che vën finanzià per l 40% dala Provinzia, 42% dala families y 18% dai chemuns. Iust i chemuns se lamënta che i ne ie nia plu boni de curì si pert.
“Da pert dla Provinzia pudons cialé de ti unì ancontra ai chemuns, ma dant messons stlarì co curì l servisc de chëi che cëla di sculeies ntan marënda” à dit Luis Durnwalder. Nchinamò à i prufessëures de scola cialà di sculeies ntan marënda, che fej ora n custimënt de 1,7 milion de euro sëuraprò per la Provinzia. “Deberieda cun i chemuns ulons valuté la puscibltà de tré ite ulenteres a chëi che l ti unissa curì la spëises” à dit Durnwalder.
as
