La Jonta provinziela ne auza nia l’IRAP
USP – Tla descuscion sun l anjenië la pruposta de bilanz 2012 ie la Jonta provinziela (NCUEI) ai 17 de utober stat a una de nia auzé l IRAP y de la lascé do per chëla firmes che à na gran produtività, na gran segurëza per la stieres, che fej nvestimënc tla tueda y che ti vën nce ancontra ala families y al tlima.
Te n prim mumënt uloven te Jonta provinziela auzé la njonta IRAP per duta la firmes y de la lascé do dassënn per chëla firmes che ie de ejëmpl. Davia che la l’assoziazions economiches à fat majera prutestes, à la Jonta provinziela prejentà na segonda opzion. Aldò de chësta paia duta la firmes (ora dla banches y assegurazions che paia de plu) na njonta de 2,98%. La firmes de ejëmpl, chëles che auza la produtività, che pieta stieres nueves o che fej nvestimënc tla tueda y svilup, dëssa me paië 2,5% de IRAP. “Tramedoi opzions porta feter l medemo ala Provinzia, perchël nes ie tramedoi soluzions drët” à dit l presidënt dla Provinzia.
Do che l’assoziazions ie states plu per la segonda soluzion, la à nce la Jonta provinziela azetà juntan mo doi criteries de cualità. Per vester na firma de ejëmpl muessela ti unì ancontra ala families y se nuzé de energia alternativa.
Sëuraprò ala chëutes à i assessëures provinziei nce tratà la lege finanziera cun feter 30 articuli. Aldò dl presidënt uelen l’ena che vën jì inant y stlù jù chësc lëur.
as
