Damandé aiuc regiunei per la families
USP – La repartizion provinziela per familia y soziel recorda che nchin ala fin de dezëmber possen mo fé dumanda per cuntribuc regiunei per families. Per schivé de aspité, dëssa la dumandes unì dates ju pra i patronac pernan che la va.
A defrënza di scioldi dla Provinzia per la familia, che n adrova me da damandé un n iede, muessa i scioldi dla Region per la familia unì damandei pra i patronac uni ann danter l prim de setëmber y l 31 de dezëmber.
Sibe cun la dumandes per scioldi dla Provinzia che nce per chëi dla Region, muessel unì dat ju la detlarazion unificheda de davani y avëi (DURP/EEVE). Chësta detlarazion possa unì data ju pra i patronac o pra i zëntri de assistënza fischela (CAAF). Per chësc servisc ne iel per i zitadins nia da paië.
as
