Zertificazion dla rujenedes y tofles di troies
USP – Na coordinazion danter chiche possa dé ora la zertificazion de rujeneda y la tofles per i troies da mont ie (NCUEI) ai 7 de nuvëmber stat argumënt dla Jonta provinziela de Bulsan.
Na cumiscion cun la presidënza dla diretëura dl Ufize cuestions de cabinet Elisabeth Spergser, dëssa mëter dant criteries y ndicazions per chëi che possa dé ora la zertificazions de rujeneda. L se trata dla tradiziunela cumiscion de bilinguism, ma nce dla ntendënzes scolastiches y l’Univesità de Bulsan. “Te chësc ciamp iel debujën de pité regules valives per duc” à dit l presidënt dla Provinzia.
La Jonta provinziela se à destëut dal’idea che la tofles di troies da mont dëssa unì fates de banda. “La Lia da mont nes ova te n prim mumënt fat al savëi che l ne ie deguna prutesta contra la tofles de banda, ma ultimamënter se à tlo mudà la minonghes” à dit l presidënt dla Provinzia. La Jonta provinziela à tëut a cunescënza la ulentà dla Lia da Mont de mantenì la tofles de lën, y nsci à i assessëures dat pro chësta puscibltà.
as
