Jonta provinziela damanda n cunsëi dla SEL defin nuef
USP – Davia che la sozietà dal strom SEL à ultimamënter perdù truepa reputazion, ie la Jonta provinziela (NCUEI) ai 14 de nuvëmber ruveda al pont che la se damanda che dut l cunsëi de aministrazion vënie baratà ora.
La minonga publica sun la SEL se à tres l’ejaminazion dl pocuradëur y la descuscion publica tan mudà che la Jonta provinziela vëija l debujën de baraté ora duc i cunselieres. “L ne dëssa nia unì udù sciche na tëuta de crëta o n dé pro de avëi falà, ma la situazion ie ruveda tan inant che l fossa do nosc ntënder miec scumencé da nuef cun jënt nueva” à dit Luis Durnwalder do la senteda dla Jonta.
L assessëur Laimer ie unì nciarià de rujené cun l cunsëi de aministrazion per ti spieghé la rejons dla Jonta y per ruvé a na demiscion ulentera per la reunion generela ala fin de nuvëmber. La dezijions sun l cunsëi de aministrazion possa do statut me to la reunion generela.
as
