Tuniei de S. Crestina sarei ai 17 y 18 de nuvëmber
USP – La streda de zircunvalazion de S. Crestina messeràn juebia y vënderdi, 17 y 18 de nuvëmber unì sareda per via de lëures de manutenzion pra i tuniei.
Per via de chisc lëures ne possen doi dis nia passé la zircunvalazion de S. Crestina, sun l stradon de Gherdëina danter l chilometer 17 y 18,5. La streda unirà sun chësc toch śareda da juebia ai 17 de nuvëmber dala 8.30 nchin vënderdi, 18 de nuvëmber dala 18.00. Ntan chisc doi dis puderan passé sun la streda Dursan, tl zënter dl luech. La rejon dl saré la streda de zircunvalazion ie lëures de manutenzion te tramedoi tuniei.
as
