L purtoi Frara puderà unì slargià
USP – La Segonda cumiscion provinziela per la defendura dla cuntreda à (NCUEI) ai 15 de nuvëmber dat na cunsultazion positiva per slargë l purtoi dai schi Frara sun jëuf de Frea.
La sozietà dla furnadoia Dantercëpies de Sëlva ova prejentà n proiet per slargë l purtoi sun na lunghëza de 88 metri. Chësc toch dl purtoi Frara a 2.270 metri de autëza ie tl raion ulache un purtoi pea ju de viers de Corvara y l’auter de viers dl jëuf de Frea. Suinsom l lift Frara uelen slargë l purtoi de 8 metri per arjonjer miec l pont ulache se spartësc i doi purtoies. Nchinamò fovel tlo na raida drët strënta ulache n ne udova nia bën l’autra jënt cun i schi. Chësta luegia fej pert di purtoies dla raida di cater pasc ulache l passa truepa jënt.La Segonda cumiscion provinziela per la defendura dla cuntreda à dat si valutazion positiva se damandan che l Servisc de Furestela ti stebe do ai lëures. Per schivé che l material (feter 1.000 metri cubich) ne sbrisce nia ju, muessel unì fat prutezions. „Do i lëures muessel inò fat crëscer ite chësc raion“ spiega Adriano Oggiano, presidënt dla cumiscion.
as
