Pruposta de lege dla Jonta per na chëuta turistica
USP – La Jonta provinziela à dat pro na pruposta de lege sun na chëuta turistica che reveda duc chëi che prufitea dl turism. La dezijion de (NCUEI) 21 nuvëmber ie na cunseguënza dla refudeda da pert dla cumiscion dl Cunsëi provinziel che ne ova nia azetà chësta puscibltà ududa dant tla lege finanziera.
La chëuta turistica bele ududa dant a livel naziunel dëssa aldò dla Jonta provinziela unì regulamenteda a livel provinziel. “Autramënter iel da temëi che i chemuns se sënte sfurzei de mëter n drova la lege statela” à detlarà Luis Durnwalder tla cunferënza stampa do la Jonta.
La pruposta de lege data pro cun duc a una vëja dant la puscibltà de tò ite na chëuta de cura nchin a 2 euro per persona, per nuet afiteda. N regulamënt provinziel dëssa pona desferenzië do raion y tipologia de atività. La chëuta turistica ie ududa dant te doi pertes. Chëi che prufitea diretamënter dal turism, sciche la gastronomia, dëssa de ju 1% de si davani dal ann dant. La categuries che prufitea ndiretamënter dal turism dëssa paië 0,1% de si davani.
La pruposta de lege data pro dala Jonta provinziela dëssa ntan l inviern unì trateda te Cunsëi provinziel.
as
Galaria dales fotografies
Landeshauptmann Durnwalder über die Tourismusabgabe
- Scarica il file audio 426 kb
