Jonta dà prò la nueva Cunsulta ladina de jëuni
USP – La Jonta provinziela à (NCUEI) ai 21 de nuvëmber dat pro la nueva cunsulta ladina di jëuni. Plu de mec i cumëmbri ie nueves: esprescion de inuvazion y mpo cuntinuità.
De ndut 10 cumëmbri dla nueva Cunsulta ladina di jëuni, ne n iel 6 de nueves. L se trata de Doris Mussner Delago de Sëlva, Milena Kostner y Heidi Rabanser de Urtijëi y Valentin Erlacher de La Pli de Mareo che ie unic numinei sun pruposta dla lies di jëuni. Na terza pert de duta la Cunsulta ie unida numineda sun prupostes fates dai Chemuns. I cumëmbri nueves ie tlo Florian Valentin de Badia y Silvia Valentin de Colfosch.
La ncëira dla Cunsulta di jëuni vel per trëi ani. Si funzion primera ie chëla de purté dant prupostes al Assessëur Ladin y ala Jonta provinziela a bën di jëuni tla valedes ladines. La se trata de udëi dant linies de lëur per l ufize provinziel y co nuzé di mesuns finanziei.
Cumëmbri da dant che fej nce pert dla cunsulta nueva ie Vito Campei da La Val, Martina Rier y Patrick Stuflesser de Urtijëi y Gottfried Nagler de Badia. Proscimamënter uniral nce da pert dla Cunsëi scolastich numinà n reprejentant.
La cunsulta nueva ie drët balanzeda ora danter ëi y ëiles, y la doi valedes. I cumëmbri vën da ciamps de lëur defrënc per udëi purté ite de plu ponc de ududa. Coche spiega Wilma Ruggaldier dl Ufize per i jëuni, ne reprejentea i cumëmbri nia la lia che i à numinei, ma i jëuni n generel. L presidënt o la presidënta dla cunsulta unirà lità tla senteda costituënta.
as
