La Provinzia à tl 2011 sustenì la Cultura ladina cun passa na milion de euro
USP – Per fé viver la Cultura ladina sustën la Provinzia de Bulsan truepa lies, artisc y istituzions. Tl ann 2011 iel tres l Assessorat ladin unì dat cuntribuc per na soma de 1.190.580 euro. Chësc sustëni finanziel ie unì spartì su danter 186 dumandes de cuntribuc valutedes dala Cunsulta provinziela ladina, l finanziamënt per l Istitut Culturel Ladin, produzions de televijion, publicazions, opres artistiches, proiec de educazion y n finanziamënt ala zaita La Usc di Ladins.
Sëuraprò a scumenciadives cultureles che reverda duta trëi grupes de rujeneda sciche l’Azienda de Radiotelevijion RAS o la biblioteches, vën majera pert dl sustëni provinziel per scumenciadives cultureles ladines aministrà dal Assessorat ladin. “Te nosta valedes ons veramënter truepa jënt che se dà ca per fé viver la cultura ladina, sustenion la scumenciadives cultureles per mantenì chësta gran pluralità de ativiteies” dij Florian Mussner.
La soma de 1.190.580 euro ie metuda adum da sies capituli. La majera pert, cun 513.580 euro, fej nce chëst ann ora cuntribuc a lies y artisć. Na cumiscion de 6 persones, la Cunsulta culturela ladina, à ntan l ann valutà de ndut 195 dumandes de sustëni. La majera pert de chëstes, 186, ie nce unides azetedes. Permez al ann passà canche l fova unì azetà 166 dumandes, iel tl 2011 unì spartì su i cuntribuc a mo na majera cumpëida de proiec. Chësc aumënt de 12% n cont de dumandes azetedes vën udù sciche sëni che l vën fat de plu ativiteies cultureles. Tla valutazion dla dumandes tën la Cunsulta nce cont di cuntribuc che vën dai dala Region. “Per na spartizion mo plu giusta, ulons tl daunì nce tenì cont di cuntribuc che la lies giapa bele dai chemuns” spiega Mussner. L capitul che reverda la Cunsulta ladina (513.580 euro) ie tl 2011 unì spartì su al 70% per ativiteies de 98 lies y 10 artisć. L 29% reverda cuntribuc per nvestizions dla lies sciche strumënc o l mantenimënt de guanc. Me 1% ie unì dat ai chemuns.
L finanziamënt dl Istitut Culturel Ladin Micurà de Rü de 404.000 euro iel tl 2011 stat l segondo majer capitul per sustenì la Cultura Ladina. Nce sce la Provinzia ie sfurzeda a smëndrì i capituli ie chësc finanziamënt ie restà unfat grant sciche ti ani passei. I culaburadëures dl Istitut vën paiei dala Provinzia a pert de chësc finanziamënt.
L Assessorat Ladin à chëst ann sustenì produzions de televijion, publicazions y opres artistiches cun 167.000 euro. Leprò ruva mo cursc de furmazion y proiec de educazion che ie unic finanziei cun 51.000 euro.
La publicazion de la zaita La Usc di Ladins vën chëst ann sustenida cun 40.000 euro dala Provinzia de Bulsan. A chësta maniera vëniel judà a finanzië na bela pert dla nfurmazion tla rujeneda ladina.
Na mëndra soma, 15.000 euro, ie unida metuda a desposizion dla Cunsulta culturela de duta trëi grupes de rujeneda per finanzië proiec che reverda la populazion n generel.
La soma de chisc sies capituli ie 6% mëndra permez al ann passà. La reduzion spidla la situazion atuela che sforza nce la Provinzia de Bulsan de smendrì si capituli de bilanz. “Dal’autra pert iel ti ultimi ani unì azetà for de plu dumandes de cuntribuc ala Cultura Ladina, chësc ie n sëni che la Cultura ladina ie te n bon mumënt” dij l assessëur ladin.
98 lies cultureles ladines che giapa tl 2011 cuntribuc dala Provinzia
Associaziun Turistica Badia
Associaziun Turistica La Val
Badia Events
Badiamusica - La Ila"
Cërtl Cultural de Mareo
Certl Grup Atrifs - Al Plan de Mareo
Comitato Amici di Don Enrico - La Val
Comunanza Ladina a Bulsan
Consëi Culrural Comun de Badia
Consëi dle Uniuns La Val
Cor "Cantus Iuvenis" - Al Plan de Mareo
Cor Armentara - La Val
Cor Ars Cantandi
Cor Col dla Vedla - Rina
Cor de dlieja Bula
Cor de dlieja de S. Cristina
Cor de dlieja Urtijëi
Cor de dlija Lungiarü
Cor de dlijia d'Al Plan
Cor de dlijia de Badia
Cor de dlijia La Ila
Cor de dlijia La Val
Cor de dlijia Rina
Cor de dlijia San Ciascian
Cor de dlijia San Martin
Cor de Runggaditsch
Cor de Sëlva
Cor di ëi de Badia
Cor di ëi Raetia - Urtijëi
Cor di jëuni Gherdëina
Cor di jëuni ProVoxis - Colfosch
Cor di mutons de Sëlva
Cor dl' ëiles Exultate Sëlva
Cor d'La Pli
Cor dles ëles Kèrygma - Badia
Cor dles ëres Raiëta - La Val
Cor Mons Elina - Rina
Cor Mosaic - Al Plan de Mareo
Cor Sasslong - S. Crestina
Cultura da Munt - S. Martin de Tor
EPL Ert por i Ladins - Bulsan
Fotoclub Gherdëina
Grupa Bal Populèr Sëlva / S. Cristina
Grupa corni da mont Rina
Grupa de Balarins de Gherdëina
Grupa de mujiga Hosianna - Sëlva
Grupa de Teater S.Cristina
Grupa de Teater Sëlva
Grupa de Teater Urtijëi
Grupa Helios
Heimatpflegeverband Südtirol
Il Pinzimonio Vocale - La Ila
Jazz Music Promotion - Bulsan
Jëuni de Mujiga de Gherdëina
Lia Culturala Fanes - La Ila
Lia dla trohtes S. Cristina
Lia mëisa turonda de Gherdëina
Lia Mostra d'Ert - Urtijëi
Lia turistica S. Crestina
Lia turistica Sëlva
Lia turistica Urtijëi
Lia Uniun Maestri de Gherdëina
LVH Bildung & Servise
Mareo Laota y Encö
Mujiga da Bula
Mujiga da Rina
Müjiga de Badia
Müjiga La Ila
Müjiga La Val
Mujiga S. Crestina
Müjiga San Ciascian
Mujiga Urtijëi
Musiga da San Martin de Tor
Musiga de La Pli
Musiga"Catarina Lanz"-Al Plan de Mareo
Orchestra Sonoton Gherdëina
Orchestra Val Badia
Ploania de Rina
Quartett"Les Armonies" - Calfosch
Schützenkompanie"Katharina Lanz" - Al Plan
Seniorenclub Rina
Sorvisc ai Jogn Val Badia
Südtiroler Gesellschaft für Politikwissenschaft
Südtiroler Theaterverband
Union di Ladins de Gherdëina
Uniun Bal Popular Val Badia
Uniun Ciantauturs Ladins
Uniun di Ladins Val Badia
Uniun dl Sport San Martin
Uniun Generela di Ladins dla Dolomites
Uniun Jogn Badia
Uniun Maestri Ladins
Uniun Musicala y Culturala Ladina - Corvara"
Uniun Musiga S.Martin
Uniun omi San Ciascian
Uniun Patrunes dl Cumun San Martin
Uniun Teater San Martin
Val Gardena-Gröden Marketing
10 artisć ladins che giapa tl 2011 cuntribuc dala Provinzia
Gehart Demetz
Gregor Prugger
Martin Comploi
Anastasia Kostner
Ivan Lardschneider
Ingrid Runggaldier
Georg Malfertheiner
Klaus Castlunger
Sabine Piazza
Markus Moling
as
