Dumandes per garaudatories de nsenianc dla scoles ladines nchin ai 23 dezëmber
USP – Nchin ai 23 de dezëmber 2011 possa nsenianc fé dumanda te ruvé tla graduatories provinzieles dl ann de scola 2012/13 per la scoles ladines. La dumandes muessa unì dates ju ala Ntendënza ladina a Bulsan.
La data dl 23 de dezëmber vel per duc i nsenianc che ie bele scric ite tla graduatoria provinziela y che uel se lasce purté ite da nuef. Nsenianc possa damandé de ajurné i ponc sun chësta graduatoria aldò dl ann de servisc 2010-11. Chësc possa nce vester de utl per nsenianc che à n titul de cumpetënza nuef o che ulëssa ruvé da nuef te graduatoria cun riserva.
La dumandes muessa unì mandedes ite o ala Ntendënza ladina, streda Bottai 29 a Bulsan cun lëtra segureda. La dumandes possa nce unì dates ju de persona.
Nfurmazions plu avisa giaten tla Ntendënza Ladina, per la scoles elementeres pra Carla Pedevilla (0471 417015) y per la scoles mesanes y autes, pra Paul Tasser (0471 417018).
as
