Prinzipies dla Jonta provinziela per giaurì la budëighes de dumënia
USP – La Jonta provinziela tën a si posizion contra l giaurì dla butëighes de dumënia. L regulamënt che ie unì dat pro (NCUEI) ai 19 de dezëmber lascia prò de giaurì de dumënia ti luesc turistics, ti auti luesc resta la dumënia de prinzip l di de paussa.
L regulamënt per i orars de giaurida de dumënia ie n pruvedimënt per ti tenì permez ala liberalisazion statela. „De prinzip ie la Jonta provinziela contra l giaurì la butëighes de dumënia, ma per i luesc turistics iel debujën de ezezions“ à dit l presidënt do la senteda dla Jonta. Te luesc cun majer muvimënt turistich possa la butëighes nce giaurì de dumënia. La se trata tlo de Badia, Corvara, Sëlva, S.Crestina y Urtijëi – n cont dla valedes ladines y nce Schenna, Tirol, Stilfs y Sexten. Te chisc luesc muessa la butëighes me resté saredes n Nadel y S.Stefun (25 y 26 dezëmber), da Pasca y Lunesc de Pasca, Pasca de Mei, ai prim de mei, la Gran Santa Maria (15 agost). L’Imaculata (8 dezëmber), l Ann Nuef y S. Guania (1 y 6 jené) possa la butëighes me resté daviertes nchin la 13.00.
Te luesc cun manco turism possel unì giaurì la butëighes 14 dumënies al ann a discrezion di chemuns. Danter chisc chemuns iel nce Mareo y Ciastel. Te duc i autri chemuns possel unì giaurì la butëighes ntan 7 dumënies. L’aministrazions de chemun possa crì ora la 7 o 14 dumënies do avëi scutà su la lies di buteghieres, respetan la festes nunziedes dessëura.
as
Der Landeshauptmann zu den Ladenöffnungen an Sonntagen
- Scarica il file audio 711 kb
