Nfurmazion de mubilità y Südtirol Pass nce per ladin
USP – Sun la plata web dla mubilità dl Südtirol ie sën nce da abiné la nfurmazions tla rujeneda ladina. L Südtirol Pass dëssa arjonjer duta la populazion: sota chësc moto iel unì anjenià na verscion dla prejentazion tl web nce per la jënt ladina.
La plata www.suedtirolmobil.info o www.mobilitaaltoadige.info ie anjenieda tla rujeneda ladina per arjonjer nce la mëndra grupa de rujeneda. „L Südtirol Pass ie na arjonta de gran mpurtanza che fajerà mudé l cumpurtamënt de mubilità te duta la provinzia“ nsci la cunvinzion dl assessëur Widmann. Per chësta rejon iel mpurtant arjonjer pusciblmënter duc i zitadins.
L lëur de traduzion vën dal assessëur udù sciche sëni de valorisazion ajache propi tla valedes ladines iel ti ultimi ani unì mustrà na gran senisbltà per i mesuns publics, i nuzan nce truep. La traduzion tla rujeneda ladina ie unida fata dala culaburadëures dl’Ufize provinziel per cuestions linguistiches. L se trata te tesć nia tan scëmpli y de funzions online che vën sën nce pitedes per ladin.
as
