Liberalisazions tla tlausura dla Jonta provinziela ai 26 y 27
USP – Te si prima senteda dl ann nuef se à la Jonta provinziela (NCUEI) ai 09 de jené da ju cun i argumënc che unirà tratei ntan doi dis de tlausura ala fin dl mëns. Priorità à te chësc mumënt la cunseguënzes dla liberalisazions dl Stat sun la realtà economica de nosta provinzia. Argumënc dla senteda ai 26 y 27 de jené sarà nce la familia, l’imigrazion y seguré la stieres.
La manovra de sparani dl Guviern Monti porta na situazion nueva cun truepa nuviteies. I assessëures provinziei à tla senteda dla Jonta purtà dant cie che l ie da se aspité te si ciamps de cumpetënza. “Tla tlausura ulons fé ora ciuna limitazions ala liberalisazions stateles che l ie mesuns fé per defënder i nteresc de nosta populazion” à dit l presidënt Durnwalder riesc do la senteda. Aldò dl presidënt se tratela plu che auter de pruvedimënc tl ciamp ambientel, de cuntreda, sanità y urbanistica. Durnwalder à rujenà dla mprescion che l guviern talian ebe puech nteres per l’autonomies y l’acurdanza de Milan. Pra l’ancunteda cun Monti, de chëla che l ne ie mo nia unì metù na data, uel Durnwalder lecurdé i cuntrac nternaziunei che à purtà pro al’Aministrazion autonoma de nosta provinzia. “La ne se trata nia me de scioldi, ma bën dla sustanza y perchël ulons nce se paré sce la seves dl’Autonomia ne vën nia respetedes. Sce l ie debujën damandons aiut al’Austria” à dit l presidënt dla Provinzia te cunferënza stampa. “L Guviern a Roma à l dërt nes damandé sacrifizi, ma dut te na cërta mesura” à dit Durnwalder.
D’autri argumënc mpurtanc che la Jonta provinziela uel traté ntan si tlausura reverda l sustëni ala families tl cuntest de chëutes stateles nueves. Davia che la lege sun l’imigrazion à giapà recurs, uelen tenì sun i prinzipies y ti dé na forma nueva. Ntan i doi dis de senteda uel i assessëures provinziei nce traté pruvedimënc per mantenì y mëter a jì stieres nueves, y sustenì l’economia. N ciamp de atività per defënder la cumenanza y la pitla mprejes ie aldò dl presidënt nce l’urbanistica.
as
Galaria dales fotografies
Landeshauptmann Durnwalder zur Klausur der Landesregierung
- Scarica il file audio 596 kb
