Jonta provinziela cëla de mëter a jì i joi a Roma
USP - Do che la sozietà de jol Air Alps ie jita sun l cul, se prova la Jonta provinziela a purté inant la pruzedures acioche l vënie prësc inò pità joi a Roma. Riesc do la senteda dla Jonta à l presidënt (NCUEI) ai 16 de jené cunedì che l ie bele trëi sozieteies de jol nteressedes ala linia.
La Jonta provinziela à cun desplajëi tëut a cunescënza che l’autorità de jol dl’Austria ti à tëut la lizënza al’Air Alps. La Provinzia ova (tres la STA) cumprà 4% dl’azions de chësta sozietà, ma tres aumënc de capital ova chësta azions bele ti mënsc passei perdù tant che dut l valor. “L dann per Südtirol reverda plu che auter che ie unic a mance i culegamënc de jol” à dit Durnwalder. La Provinzia ie patrona de 90% dl aeroport y chësc dëssa aldò dl presidënt man man unì mantenì.
Chisc dis an bele metù man la tratatives cun d’autra sozieteies de jol. „On bele trëi che se à nunzià, una da tlo, na sozietà tudëscia y n autra cun sënta tla Svizra” à dit l presidënt. Nia tler ne ie te chësc mumënt sce la vedla lizënza possa me nsci unì sëurandata o sce chësc muessa passé tres l Minister de cumpetënza. La lizënza de jol fossa cun la fin dl ann é tumeda, perchël oven bele nvià via la preparazion per la scrì ora da nuef. La Jonta provinziela se mpënia a fé dut l puscibl a na maniera che l vënie prësc inò pità joi danter Bulsan y Roma.
as
Galaria dales fotografies
Landeshauptmann Durnwalder zum Bozner Flughafen
- Scarica il file audio 303 kb
