Dai pro i urdenamënc per set studi universiteres, defin nuef ie l Energy Engineering
USP – La Jonta provinziela à dat pro i urdenamënc per set studi dl’Università liedia de Bulsan. Danter chisc, iel (NCUEI) ai 16 de jené nce unì azetà la ntroduzion de n studi nuef tl ciamp dla ngenieria de energia.
Tl ciamp dla funtanes alternatives de energia y la manieres efizientes de se nuzé de chëstes se aspieten ti proscimi ani truepa ndesfidedes. Nsci uniral tla facultà per scienzes natureles y tecnica dl’università liedia de Bulsan nce pità n master de Energy Engineering. Do che la Jonta provinziela à azetà chësc studi nuef, à l presidënt cunedì che dantaprima da pert dla ndustria se à trueps damandà n tel studi. Chësc unirà pità n culaburazion cun l’università de Trënt y pona plu inant nce cun chëla de Dispruch.
La Jonta provinziela à nce dat pro i urdenamënc de autri sies studi che fova bele y che ie unic adatei. Tla facultà de scienzes dla furmazion uniral pità i bachelor per lëures soziei, pedagogia soziela, scienzes dla comunicazions y cultura. Oradechël iel nce unì dat pro n master per inuvazion y tueda. Tla facultà per design y ert uniral pità n master per design, sozietà y sustenibltà. N urdenamënt nuef ie nce unì dat pro per n bachelor de scienzes agrares y manejamënt ambientel tla facultà de scienzes natureles y tecnica.
as
