Ai 2 de forà referat sön la sconanza dles mendranzes tolon sciöche ejëmpl le Südtirol
USP – Ai 2 de forà saràl da aldì tla Biblioteca provinziala Teßmann n referat de Francesco Palermo dal titul “Minderheitenschutz in internationaler Perspektive am Beispiel Südtirols“. Ara se trata dl cuarto referat dla linia de referac da en chësc ann dla Biblioteca provinziala, dal titul „Südtirol tl’Europa. Na chirida de fostüs”.
La sconanza dles mendranzes internazionala é chersciüda dassënn ti ultimi 20 agn. Les organisaziuns internazionales à portè ite normes y standarg nüs. Le sistem de sconanza dles mendranzes complès dl Südtirol é deperpo gnü laurè fora plü co ater denant.
Tl referat van naôta ite sön i stromënć dl dërt di popui plü importanć. Daldô vëgnel splighé cun n valgügn ejëmpli le coliamënt danter le model dl Südtirol d’al dedaincö y i mecanisms de sconanza moderns.
Le referat dl prof. Francesco Palermo (Academia Europeica de Balsan y Université de Verona), tla Biblioteca provinziala Teßmann a Balsan (str. A.-Diaz 8) sarà en jöbia, ai 02 de forà dales 20.00.
usp
