Comisciun por la contrada azeta le proiet por l'ütia de Fanes
USP – Pro i tröc proiec' tratà dala II Comisciun provinziala por la sconanza dla contrada, presidiada dal arch. Adriano Oggiano tla sentada da (inier) en mertesc ai 24 de jenà dl 2012, él gnü aprovè chël sön l’ütia de Fanes.
L'ampliamënt dla pert doia dla ütia de Fanes, tl comun de Mareo, por realisé locai tecnics sot tera y n salf tla alzada a tera é gnü damanè dala sozieté che manajëia la strotöra. L'arch. Oggiano à splighé che, ajache la ütia é tl Parch Natural Fanes-Senes-Braies, te n raiun Natura 2000, raiun UNESCO Patrimone natural dl'umanité, à la II Comisciun provinziala por la sconanza dla contrada dè jö n arat positif por realisé i locai sot tera, mo che ara arata che n ampliamënt di locai por i ghesć ne sides nia azetabl, ajache la strotöra mëss mantignì y pité ai escurscionisć le carater y i sorvisc de na ütia.
L'intervënt portass pro a n ampliamënt dl’urbanisaziun dl raiun, che gnarà indere, porvia dl fin dl raiun UNESCO, smendrida ti agn, por garantì, deboriada cun d’atres mosöres preodüdes, le mantignimënt dla particolarité dl raiun.
usp
