Trëi nuviteies per i ejams de bilinguism
USP – La Jonta provinziela à (NCUEI) ai 06 de fauré dat pro trëi nuviteies n cont dla gestion di ejams de bilinguism. La se trata di argumënc dl ejam, rencunesciënza d’autri ejams y l mancë zënza giustificazion.
I argumënc dl ejam de rujeneda unirà aldò dl presidënt dla provinzia, publichei tres internet a na maniera che i candidac ebe n urientamënt danora. Chiche à da mustré su n ejam de rujeneda dat jù pra n’autra istituzion y che ie nce recunesciù ufizialmënter, muessa me plu fé l ejam tl’autra rujeneda. La terza nuvità che ie unida cunedida riesc do la senteda dla Jonta provinziela ie de carater plu urganisatif. Chiche mancia pra n ejam zënza avëi mandà ite na giustificazion, messerà aspité 6 mënsc dan pudëi se prejenté mo n iede.
as
