Di pedagogich dla scolines ladines, ai 10 de fauré a Urtijëi
USP – L’educadësses dla scolines ladines se anconta n vënderdi ai 10 de fauré per n di pedagogich a Urtijëi. L di de ancunteda y barat ie dedicà al rafurzé di mëndri y svilupé ressorses. - Nvit ai media.
L danmesdì dl di pedagogich tla Scolina Salieta a Urtijëi à doi ponc zentrei. Deberieda cun la referënta pruf. Renate Zimmer uniral (dala 9.00 inant) tratà cie che fej deventé i mëndri plu stersc y l senificat dl’autocumpetënza. Segondo pont dl danmesdì sarà l muvimënt sciche cundizion per furmazion y sanità.
Dala doi domesdì uniral sëurandat n diplom a cater educadësses che à fat n ajurnamënt sun la furmazion musichela. L’ultima unità dl di pedagogich ie dedicheda al nrescì de rujeneda tres l corp: manieres da plajëi per l cuntat cun rujeneda y capaziteies.
I culaburadëures di media ie nviei al di pedagogich dla scolines ladines y de cunedì i cuntenuc.
as
