De sëura i gesc’: mo vëniel azetà l forma tradiziunela
USP – Dlongia la forma nueva de dé sëura i gesc’ vëniel te chësc mumënt nce azetà la forma tradiziunela. Chësc fej al savëi l assessëur al turism Hans Berger. L dé sëura per via eletronica à mo vel dificulteies, perchël vëniel ntant azetà la forma tradiziunela.
Per scemplifiché la comunicazion di fulestieres che ruva n cësa, sënta l Guviern a Roma sun i mesuns digitei. Dal scumenciamënt dl ann vel la normativa nueva che scrij dant na comunicazion per via eletronica y nia plu sun papier sciche l fova dant. Te chësc mumënt iel mo vel dificulteies tecniches per la comunicazion digitela tres internet. „Chësta ie una dla rejons perchël che l vën ntant mo azetà la comunicazion tradiziunela“ dij l assessëur provinziel.
La trasmiscion digitela vën a uni maniera ududa de bon uedl: „La forma eletronica cumporta manco burocrazia, ie plu scëmpla y ie dessegur nce positiva canche l’Aministrazion y la firmes turistiches se à n iede usà“ dij l assessëur al turism.
as
